កម្លាំងប៉ុស្តិ៍រដ្ឋបាលអូរបែកក្អម ឃាត់ខ្លួនជនសង្ស័យម្នាក់ ប្រើប្រាស់គ្រឿងញៀន
03-May-2018 | ដោយ ពលមនសិការ
ភ្នំពេញ ៖ កម្លាំងប៉ុស្តិ៍រដ្ឋបាលអូរបែកក្អម ឃាត់ខ្លួនជនសង្ស័យម្នាក់ ប្រើប្រាស់គ្រឿងញៀន នៅថ្ងៃទី០៣ ខែឧសភា ឆ្នាំ២០១៨ វេលាម៉ោង០១ និង១០នាទី នៅចំណុចតាមបណ្តោយផ្លូវ២០០៤ ភូមិទ្រុងមាន់ សង្កាត់អូរបែកក្អម ខណ្ឌសែនសុខ ។
លោកវរសេនីយ៍ឯក ហួរ ម៉េងវាង អធិការខណ្ឌបានឲ្យដឹងថាជនសង្ស័យឈ្មោះ សាទ វុធ ភេទប្រុស អាយុ២៤ឆ្នាំ ជនជាតិខែ្មរ មុខរបរជាងកញ្ចក់ ស្នាក់នៅបន្ទប់ជួល សង្កាត់ចោមចៅ ខណ្ឌពោធិ៍សែនជ័យ។
សម្ភារៈដកហូត ៖ ម៉ូតូចំនួន មួយគ្រឿង ម៉ាកសងប៊ិច ពណ៌ខ្មៅ ពាក់ស្លាកលេខ 1BK-1572 និងទូរស័ព្ទដៃចំនួនមួយគ្រឿង ម៉ាកសាំសុងសេរីចាស់។
លោកអធិការបន្តថាមុនពេលចាប់ខ្លួនជនសង្ស័យខាងលើ កម្លាំងល្បាតប៉ុស្តិ៍រដ្ឋបាលអូរបែកក្អម បានធ្វើការល្បាតក្នុងភូមិសាស្ត្រដល់ចំណុចកើតហេតុខាងលើ ឃើញជនសង្ស័យម្នាក់កំពុងជិះម៉ូតូមួយគ្រឿងតាមផ្លូវ ដោយមានការសង្ស័យកម្លាំងល្បាតយើងហៅជនសង្ស័យឲ្យឈប់ ធ្វើការត្រួតពិនិត្យលើដងខ្លួន រួចកម្លាំងយើងនាំខ្លួនជនសង្ស័យមកធ្វើការសាកសួរនិងត្រួតពិនិត្យទឹកនោមរកសាធាតុញៀន នៅអធិការដ្ឋាននគរបាលខណ្ឌសែនសុខ។ បច្ចុប្បន្ន ជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី៕
ចំនួនអ្នកទស្សនា
- ថ្ងៃនេះ9941
- ម្សិលមិញ9421
- សប្តាហ៍នេះ65601
- ខែនេះ180751
- ឆ្នាំនេះ180751
- សរុប20623207